Ka zhvillime të reja për Hakan Calhanoglu. Mesfushori i Interit dhe i kombëtares turke, i rikuperuar nga një problem me aduktorin e majtë që pësoi në ndeshjen kundër Uellsit, të shtunën e kaluar, nuk u kthye në Milano pas kryerjes së MRI-së në Turqi.
Në fakt, nga testet instrumentale dhanë rezultate pozitive, pra nuk evidentuan dëmtim dhe trajneri Vincenzo Montella preferoi ta mbante lojtarin me Turqinë.
Në kuadër të ndeshjes së nesërme kundër Malit të Zi, megjithatë, sipas asaj që bën të ditur “Haber Turk”, kombëtarja turke ka zhvilluar stërvitjen në Kajseri dhe kapiteni Hakan Calhanoglu nuk ka marrë pjesë në seancë e sotme pas lëndimit.
Stërvitja, nën drejtimin e trajnerit Montella, u zhvillua në stadiumin “Kadir Has”, ku lojtarët e nisën me vrapim të lehtë e më pas u bënë ushtrimet e nxehjes.
Pas mungesës në stërvitje, shkruan gazeta online turke, roli i Calhanoglu mbetet për t’u parë në kuadër të ndeshjes së nesërme.
Plani i Interit pas kthimit
Interi është në pritje të tij dhe problemi i aduktorit është shqetësues, por, për momentin, turku mbetet me kombëtaren e tij. Klubi ziklatër dëshiron të kryejë teste shtesë, por Calhanoglu me siguri do të humbasë ndeshjen e radhës në Serinë A kundër Hellas Veronas. Është në dyshim prania e tij edhe ndaj Leipzigut në Champions League.
