Barcelona ka kërkuar nga BSM (Barcelona Serveis Municipals) një zgjatje deri në fund të prillit për të vazhduar përdorimin e stadiumit Olimpik Montjuïc, pasi kontrata aktuale skadon më 31 mars. Klubi, – shkruan Mundo Deportivo – pret një përgjigje këtë javë për të zgjatur përdorimin e stadiumit me një muaj, me synimin për t’u rikthyer në Spotify Camp Nou në maj.
Në shtëpinë e Barças ka optimizëm në lidhje me mundësinë për të luajtur ndeshjet e fundit të sezonit në Camp Nou, përfshirë El Clasico kundër Real Madridit më 10 ose 11 maj. Për më tepër, Estadi Olímpic pritet të presë koncerte të nivelit të lartë në fund të majit, gjë që mund të komplikojë përdorimin e stadiumit nga Barça.
Sa i përket Ligës së Kampionëve, nuk do të kishte asnjë problem që të luante çerekfinalet dhe gjysmëfinalet në Montjuïc.
