Lee Carsley drejtoi Anglinë për herë të fundit në fitoren 5-0 kundër Irlandës, që i lejon “Tre Luanët” të kthehen në Ligën A të Ligës së Kombeve dhe Thomas Tuchel të marrë drejtimin me qetësi të madhe.
“Ishte e rëndësishme që ne arritëm të ngjiteshim në Ligën A. Ky ishte qëllimi; bonusi ishte numri i madh i lojtarëve që debutuan në ekip. Kjo do t’i japë Thomas Tuchel një skuadër më të madhe me më shumë mundësi për të zgjedhur. Sfida për lojtarët tani është të qëndrojnë atje”, ka thënë ish-trajneri i përkohshëm i Anglisë, duke komentuar kohën e shkurtër në të cilën drejtoi skuadrën.
Këshilla për t’i dhënë Tuchelit: “Për një trajner të nivelit të tij, nuk mendoj se duhet të them gjë, të jem i sinqertë. Është e rëndësishme që jo vetëm unë, por edhe pjesa tjetër e stafit të jemi këtu për ta mbështetur në çdo mënyrë për të fituar Kupën e Botës”.
