Ish-sulmuesi i Italisë, Antonio Cassano beson se Milani bëri nënshkrimin më të mirë në Serie A këtë verë me blerjen e Alvaro Morata-s nga Atletico Madrid.
Cassano foli për Milanin, nënshkrimet e tyre verore dhe ndeshjen e parë në Serie A në një intervistë me Viva El Football.
“Milani, për mendimin tim, ka bërë blerjen më të mirë në Serie A”, tha Cassano.
“Morata është një lojtar me një cilësi tjetër, ai është fantastik. Jam i lumtur që edhe ai shënoi. Ai nuk është stërvitur shumë me shokët e tij të rinj, por mund ta shihni nga larg se ai është një lloj lojtari ndryshe nga të tjerët. Ai është fenomenal.”
Kuqezinjtë paguan një tarifë prej 13 milionë euro për të aktivizuar klauzolën e lirimit në kontratën e mëparshme të Moratas me Atletico Madrid.
/GazetaBlic Sport/
