Çavi Hernandez nuk po kalon një periudhë të qetë pas rikthimit të tij te Barcelona. Titulli kampion nuk u mjafton tifozëve katalanas të cilët kanë parë në këtë edicion se si ekipi ka humbur shkëlqimin e tij dhe po lë pikë rrugës në kampionat, por edhe në Ligën e Kampioneve.
Megjithatë, në klub nuk kanë ndër mend që të ndryshojnë trajner dhe këtë e bëri të qartë ish-shoku i tij i skuadrës te katalanasit, Deko, i cili aktualisht është drejtori sportiv në klub.
“Kemi fituar një kampionat pasi njerëzit na thoshin që do të duheshin vite për të fituar përsëri dhe pasi kishim humbur lojtarin më të mirë në histori. Mesi nuk është dhe mendonim se do të ishte një dramë që të fitonim përsëri. Është larguar një brez i tërë, persona si Buskets.
Do të kisha dashur një tjetër Buskets, apo që të kishte zgjatur për 20 vite të tjera, ose lojtarë si Zhordi Alba e Pike, futbollistë emblemë. I gjithë ky proces ishte i vështirë për t’u menaxhuar për një trajner. Dhe Çavi ia doli dhe ne i rinovuam kontratën. Besimi ynë është në 100%, 200%” tha Deko për “Rac 1”.
PANORAMASPORT.AL
