Nejmar nuk dëshiron të qëndrojë më në Paris dhe opsioni më i mundshëm për brazilianin është kalimi në La Liga, aty ku shpreson që të jetë pjesë e Barcelonës. Pas fitores ndaj Totenhemit, trajneri Çavi u ndal para mediave.
Në një situatë të tillë, ai nuk mund ti shpëtonte pyetjeve për merkaton dhe një ndër to lidhej pikërisht me një mundësi të rikthimit të Nejmarit. Vetë trajneri nuk ka preferuar të japë opinion duke u shprehur se një herë ka folur dhe atë kohë, dikush është mërzitur.
Nejmar? Nuk mund të bëj asnjë parashikim. Vitin e shkuar e përmenda një emër nga një klub tjetër dhe ata u zemëruan. Do të shohim deri në fund të merkatos. Kemi kohë deri më 31 gusht dhe natyrisht gjithçka do të varet edhe nga rregullat e “Fair Play”, u shpreh Çavi mes të tjerash.
PANORAMASPORT.AL
