Çelsi mund të përfitojë nga situata aktuale e portierëve të Arsenalit duke bërë një lëvizje në janar për Aron Ramsdejlin.
Portieri numër 1 i Anglisë është dërguar në stol nga trajneri i “topçinjve”, Mikel Arteta, që në përballjen e Arsenalit me Mançester Junajtidin muajin e kaluar, ndërsa transferimi i merkatos së verës, David Raja, i zuri vendin gardianit të Anglisë.
Pavarësisht se Arteta pretendon se do t’i ndërrojë dy portierët e tij gjatë sezonit, Raja i ka nisur të gjashtë ndeshjet e Premier Ligës që kur u transferua në “Emirates”.
Spanjolli ka pësuar gjashtë gola në këtë periudhë dhe ka pasur disa paraqitje nervoze, por duket sikur ai do të qëndrojë si zgjedhja e parë e spanjollit.
Situata mund të bëjë që Ramsdejli të kërkojë të shkojë diku tjetër dhe sipas gazetarit sportiv të “CBS”, Ben Xhakobs, Çelsi mund të kërkojë 25-vjeçarin në janar.
PANORAMASPORT.AL
