Sindikata e futbollistëve profesionistë francezë (UNFP) ka “paralajmëruar” PSG-në. I ftuar në RMC Sport, presidenti Piat ka folur për konfliktin mes Kilian Mbape dhe klubit parizien. 
“Është një luftë e hapur. Situata rregullatore i lejon klubit të bëjë si të dojë me futbollistët. Pas 1 shtatorit, situata duhet të kthehet, klubi mund të menaxhojë futbollistët deri në një moment të caktuar kohor. Pas kësaj, ai nuk mund të bëjë atë që dëshiron. Nëse të dyja palët nuk kanë rënë dakord për një dalje nga kriza, do të duhet të kërkojmë që të respektohen kontratat”, vijon Piat.
“Të lejosh Mbapen të stërvitet normalisht, ndoshta duke e detyruar klubin ta lërë të luajë sepse përndryshe do të ishte e paligjshme sipas ligjit të punës. Kur bëhet fjalë për një lojtar pak të njohur, mund të besohet se ai nuk është i aftë, por nëse ka të bëjë me një ndër lojtarët më të mirë në botë, është e pamundur të mos dënohet PSG-ja. Ka dënime nëse një lojtar përjashtohet për arsye jo sportive”, u shpreh ai.
PANORAMASPORT.AL
