Barcelona po përballet me një situatë të vështirë për sa i përket çështjes Negreira, aty ku katalanasit akuzohen se kanë paguar arbitrat. Pavarësisht pretendimeve nga katalanasit se nuk ka asgjë të vërtetë, çështja është ende e nxehtë.
Megjithatë, UEFA nuk ka në plan të ndalojë Barcelonën që të luajë në Champions. Në Spanjë ishin të bindur se UEFA do të marrë një vendim që mund t’i largojë nga Europa, por Laporta ka marrë sigurinë nga UEFA se nuk do të ketë sanksione që i ndalon të luajnë si kampionët e Spanjës.
Tashmë, Barcelona është nën hetim vetëm nga Liga në Spanjë dhe duket se për UEFA-n, kjo çështje nuk ka rëndësi. Katalanasit synojnë që të bëjnë një tjetër paraqitje këtë sezon, ndryshe nga viti i fundit kur u eliminuan që në fazën e grupeve.
PANORAMASPORT.AL
