Xavi Hernandez analizoi fitoren 1-0 të Barcelona-s ndaj Mallorca, në ndeshjen e zhvilluar në kuadër të raundit të 28-të të La Liga-s.
Në prononcimin e dhënë për mediet pas këtij takimi, tekniku i katalanasve u shpreh se skuadra bëri një ndeshje të mirë dhe mund të kishte fituar edhe më thellë ndaj Mallorca-s, ndërsa më tej shtoi se ata janë përmirësuar që kur ai lajmëroi se do largohet nga Barça në fund të sezonit dhe se diçka e tillë nuk i duket aspak një rastësi.
“Mendoj se pasqyron të gjithë sezonin, një ndeshje e vështirë për shkak të mungesës së efektivitetit. Ishte e vështirë për ne, humbëm atë penallti që do të ndryshonte ndeshjen.
Megjithatë, ne luajtëm mirë, krijuam mundësi të qarta për të fituar më shumë se 1-0. Në fund fituam dhe këto janë tre pikë të rëndësishme.
Nuk ishte një ndeshje me dhjetë, dymbëdhjetë apo pesëmbëdhjetë raste, por mendoj se skuadra është përmirësuar që kur thashë se po largohesha. Mendoj se nuk është rastësi”-deklaroi Xavi.
