Kanë përfunduar dy takimet e para për sot në Champions League. Në Francë, Sporting Lisbon fitoi 0-2 ndaj Lens. Sfida u zhbllokua në minutën e 24-të, ku pas një kundërsulmi të shpejtë të portugezëve dhe asistit të Irankunda, ishte i zakonshmi Luis Suarez që shtyu topin në rrjetë.
Portugezët vulosën fitoren e tyre me golin e shënuar nga Issa Doumbia në minutën e 74-të, pas një kundërsulmi të shpejtë dhe asistit të Andersen.
Në sfidën tjetër në Baku, Sabah mori fitoren e saj të parë në Champions League, duke mposhtur 2-0 Slavia Prague. Pjesa e parë u mbyll në barazim 0-0. Vendasit shënuan dy gola në pjesën e dytë, duke marrë me plot meritë tre pikët e tyre të para. Golat u shënuan nga xhamajkani Kaheem Parris në minutën e 49′ dhe Joy-Lance Mickels, në minutën e 88-të. Kujtojmë që Sabah Baku luan për herë të parë në këtë fazë të Champions League dhe është një klub i krijuar vetëm në vitin 2017.
