Futbollistët e Chelsea kanë shënuar fitore të rëndësishme në luftën për të siguruar pozitën në tabelë që dërgon në edicionin e ardhshëm të Ligës së Kampionëve.
Kundërshtar i radhës i “të kaltërve” në Londër nuk ishte askush tjetër përveç Liverpool, i cili ka siguruar titullin e njëzet në kampionatin anglez, tri xhiro para përfundimit të garave.
Skuadra vendëse me tri pikët e reja renditet e pesta (63 pikë) në Premier Ligë, e cila pozitë siguron pjesëmarrjen në Ligën e Kampionëve, por në të cilin vend luftojnë edhe Nottingham Forest, në vendin e gjashtë (60) dhe një ndeshje më pak, si dhe Aston Villa e shtata (60), kështu që gara mbetet e ashpër deri në fund.
Enzo Fernandez solli Chelsea në epërsi qysh në minutën e tretë pas asistimit të Pedro Neto, ndërsa dyfishimin e shifrave ekipit nga Stamford Bridge ia siguroi Jarell Quansah me një autogol të shënuar në minutën e 56-të.
Skuadra e re kampione golin e vetëm e shënoi pesë minuta para përfundimit të ndeshjes përmes Virgil Van Dijk, pas asistimit të Alexis Mac Allister.
Chelsea epilogun prej 3:1 e vulosi me golin e Cole Palmer nga pika e bardhë në minutën e gjashtë të kohës shtesë.
Kjo ishte vetëm humbja e tretë e Liverpool në këtë edicion të garave.
