Gazeta spanjolle Sport pretendon se Federico Chiesa ka rënë dakord për kushtet personale me Barcelonën për një pagë të reduktuar, pasi Juventusi është gati të shesë për potencialisht nën 15 milionë euro.
Italiani është i përjashtuar nga Juventusi, pasi ai nuk është pjesë e planeve të trajnerit Thiago Motta dhe kontrata e tij shkon vetëm deri në fund të sezonit aktual.
Atij i është thënë që ta gjejë një klub të ri dhe dëshiron një ekip të Ligës së Kampionëve, prandaj nuk është entuziast kur Roma dhe Napoli bënë një qasje.
Sipas Diario Sport, Chiesa e kupton se ka shumë pak alternativa dhe për këtë arsye nuk mund të vazhdojë të kërkojë një pagë prej 7 milionë euro për sezon.
Në fakt,ai po pranon një ulje të pagave aktuale prej 5 milionë eurosh që fiton në Juventus, gati për të nënshkruar për 4.5 milionë euro nëse Barcelona mund t’i garantojë atij një marrëveshje trevjeçare.
Agjenti Fali Ramadani ka qenë në Spanjë për të diskutuar kushtet dhe duket se ka punuar për t’i bërë të gjitha palet të kënaqura.
/GazetaBlic Sport/
