Interi kishte nevojë për një fitore në Champions League dhe e siguroi kundër Shakhtarit, pavarësisht vështirësive dhe daljes me karton të kuq të Bastonit në pjesën e dytë.
“U pa pak frikë. Humbjet e fundit në Champions kanë lënë gjurmë. E nisëm mirë, por më pas u shqetësuam përballë një skuadre me cilësi dhe zotërim të mirë të topit. Tri zëvendësimet në fillim të pjesës së dytë na rikthyen energjinë dhe lëvizshmërinë. Pas mbetjes me dhjetë lojtarë, na u desh të shtonim diçka që na kishte munguar. Ndonjëherë fitojnë mendja dhe zemra. Djemtë bënë sakrifica shtesë. Treguam se dimë të vuajmë, duke rritur përqendrimin, patëm fat që nuk pësuam gol”, – deklaroi Cristian Chivu.
Trajneri theksoi rëndësinë e energjisë: “Në Champions duhet të vraposh dhe të mendosh shpejt, duke gjetur besimin e duhur”.
Për zgjedhjet taktike, shtoi: “Duhet të përshtatemi me problemet dhe dëmtimet. Kërkova t’i jepja pushim Bisseck, pasi kishte luajtur shumë ndeshje brenda pak ditësh”.
Chivu vlerësoi edhe Mkhitaryan: “Ai na jep profesionalizëm me mënyrën se si i pranon disa gjëra. Donim të fitonim, edhe pse nuk zhvilluam një lojë të bukur”.
