“Kishim pak energji dhe ishim të ngadaltë në disa veprime, por kjo ndodh kur luan çdo tri ditë. E fituam ndeshjen, por patëm fat”, – deklaroi Cristian Chivu pas fitores së Interit në Venezia.
“Do të mbërrijmë në derbi me 25 pikë dhe me gjendjen që kemi aktualisht. Duhet të rikuperojmë energjitë, sidomos ato mendore. Në pushim më duhej të zëvendësoja disa lojtarë për të dhënë një impuls. Do të kisha ndryshuar 10 lojtarë, duke lënë në lojë vetëm Provedel”, – tha trajneri për “Sky”.
Chivu mbrojti Stankovic: “Nuk është e drejtë ta kritikojmë veçmas. Ai bëri atë që bëri e gjithë skuadra”. Për Carlos Auguston zbuloi se kishte probleme me stomakun, por vlerësoi kontributin e tij në energji, forcë, shpejtësi, gola dhe asiste.
“Duhet dhe mund të përmirësohemi. Vendosmëria nuk duhet të na mungojë kurrë. Kam një grup që punon dhe beson. Sezonet janë të gjata dhe ajo që ke bërë një vit më parë shpesh nuk ka rëndësi”, – theksoi ai.
Në konferencë shtoi: “Ruaj rezultatin, sepse shumë skuadra po vuajnë duke luajtur çdo tri ditë. Për derbin asgjë nuk është vendosur. E vetmja gjë e sigurt është se unë do të jem në stol”.
