“Disa gjëra i kemi kuptuar dhe i kemi zbatuar në fushë. Diskutojmë vazhdimisht për të korrigjuar gabimet dhe ndoshta kemi kuptuar se çfarë nuk po shkonte mirë”.
Pas ditëve të vështira, Cristian Chivu më në fund mund të buzëqeshë. Fitorja 3-0 ndaj Feyenoord e riktheu Interin në garën për një vend në tetëshen më të mirë të Champions League.
“Kemi bërë një paraqitje të mirë për nga organizimi dhe intensiteti, në një fushë të vështirë. Vazhdimësia sjell rezultate, besim dhe vetëvlerësim. Kjo ndeshje na jep shumë siguri për rrugëtimin tonë. Futbolli ndonjëherë të çon në drejtime të çuditshme; duhet ta pranosh situatën dhe të reagosh.
Të gjithë tek Interi, klubi dhe pronarët, jemi të vetëdijshëm për vlerën e këtij grupi. Prej vitesh synojmë ta çojmë klubin në nivele të larta dhe nuk kemi pasur kurrë dyshime. Pashë një dëshirë të çmendur, uri dhe vendosmëri, edhe kur duhej të qëndronim në bllok të ulët. Nuk kemi asgjë për të provuar. Nuk mund të fshihet gjithçka për shkak të një ndeshjeje”, – përfundoi trajneri zikaltër.
