City Group dhe River Plate thuhet kanë mbyllur një marrëveshje përfundimtare për transferimin e Diablito Echeverrit.
Sipas gazetës argjentinase Ole, shuma e operacionit arrin në 18 milionë euro bruto, plus 9 milionë të tjera bonuse.
Lojtari, i cili mbushi 18 vjeç të martën e kaluar, do të qëndrojë në huazim te River edhe për një vit në parim (deri në dhjetor 2024), por sipas Ole, kërcimi i tij në Evropë mund të përshpejtohet nëse Martin Demichelis nuk e përdor atë me pjesëmarrje në ndeshje.
Në atë rast, City Group do të parashikonte largimin e lojtarit deri më 30 qershor, pasi objektivi i Cityt është që lojtari të ketë minuta dhe të mund të fitojë përvojë në garat më të larta.
Pasi të shkojë në Evropë, qoftë në qershor apo dhjetor, Echeverri nuk do të shkojë direkt në Manchester City. Destinacioni i tij i parë në kontinentin e vjetër do të ishte Girona, ku do të qëndronte për një ose dy sezone.
Pas mbylljes së disa çështjeve të vogla me lojtarin dhe që ai të kalojë ekzaminimet mjekësore, talenti argjentinas do të nënshkruajë kontratë deri në vitin 2029. Sapo të vuloset firma, City Group do t’i paguajë rrogën e tij gjatë vitit që është në River Plate dhe pesë vite të tjera.
River Plate është detyruar të negociojë me City Group dhe të pranojë një ofertë nën pretendimet e klubit për shkak të vendimit të futbollistit për të mos rinovuar kontratën me skuadrën argjentinase, për këtë arsye ai do të largohej më 1 janar 2025 si lojtar i lirë.
