Sulmuesi belg i ka lënë shije të keqe Beppe Marottas pasi duket se e ka refuzuar rikthimin në Inter dhe po kërkon një kalim të Juventusi
Drejtori i Inter Milanit, Marotta ka shprehur zhgënjimin e tij në sulmuesin e Chelsea, Romelu Lukaku, i cili refuzoi mundësinë për t’u rikthyer në klub dhe raportet thonë se ai ka arritur një marrëveshje me Juventusin.
Marotta ka folur për Radio Serie A të hënën në mëngjes dhe ka folur për planet që ka Interi në këtë merkato.
“Janë disa objektiva që ju mendoni se do t’i arrini, por në fund ato nuk ndodhin”, tha ai kur foli për dështimin e transferit të Lukaku.
“Mund ta them këtë që Lukaku me ka zhgënjyer shumë. Nuk e di se ku do të shkojë tani, nuk kanë mbetur shumë opsione, por nuk mendoj që ai do të kthehet në Itali, kanë mbetur vetëm 10 ditë në merkato”.
Sulmuesi Joaquin Correa zgjodhi që të largohet nga San Siro, e cila gjë bëri që Interi të kërkojë përforcime për sezonin e ri. Objektivi i tyre, Lazar Samardzic dhe Gianluca Scamacca zgjodhën për të nënshkruar me skuadra të tjera të Seria A, duke kaluar në Udinese dhe Atalanta.
“Ai (Correa) dëshironte të luante dhe ne nuk e injoruam këtë. Piero Ausilio është duke punuar në këtë aspekt. Alexis Sanchez është një kampion i madh, ai na ka dërguar mesazhe rikthimi dhe kjo është pozitive”, shtoi ai.
Pasi kanë fituar pikët maksimale në ndeshjen e parë të Serie A, Interi do të udhëtojë për të luajtur të hënën e ardhshme kundër Cagliarit, skuadër kjo që u rikthye në Serie A këtë sezon.
