Xhiroja e 35-të dhe e parafundit në Albi Mall Superligën e Kosovës ka sjellë përmbysje të mëdha dhe dramë të vërtetë në tabelë, por mbi të gjitha ka lënë një shije të hidhur për shkak të vendimeve të shumta kontreverse nga gjyqtarët pothuajse në të gjitha stadiumet.
Fokusin kryesor e mori ndeshja në Podujevë, ku KF Llapi mposhti Malishevën me rezultat 3-2, në një sfidë të shoqëruar me tensione të larta dhe pakënaqësi të mëdha ndaj ndarjes së drejtësisë.
Sa i përket rezultateve të tjera, Drita pësoi humbje 0-2 në shtëpi nga Gjilani në derbin e Anamoravës, por tashmë e ka të siguruar titullin kampion pasi FC Ballkani u mposht në shtëpi nga Prishtina me shifrat 1-2.
Drama më e madhe u zhvillua në fundin e tabelës: Drenica bëri një hap gjigant drejt shpëtimit duke përmbysur Ferizajn në 3-2, rezultat ky që e dërgon Ferizajn përfundimisht në zonën e barazhit (pozita e 9-të me 36 pikë).
Ndërkohë, Dukagjini triumfoi 3-2 si mysafir ndaj Prishtinës së Re, duke konfirmuar edhe matematikisht rënien e kësaj të fundit nga elita e futbollit kosovar.
