“Napoli duhet të vazhdojë të punojë shumë për të përparuar”, tha trajneri Antonio Conte pas fitores 2-0 në shtëpi ndaj Monzas, të dielën, që e vendosi në krye të Serie A për herë të parë që kur fitoi titullin dy sezone më herët.
“Ka një avantazh dhe një disavantazh nga fakti që nuk luajmë në Evropë. Avantazhi është se mund ta stërvitësh ekipin gjatë gjithë javës, disavantazhi është se skuadra nuk është aq konkurruese sa ato që luajnë në Evropë,” tha Conte për DAZN.
“Duke thënë këtë, ne vazhdojmë të punojmë për të realizuar ëndrrat e njerëzve, por realiteti është se ne jemi shumë larg objektivave dhe nuk mund të fantazojmë. Ne duhet të djersijmë në çdo ndeshje, siç bëmë sot, dhe të rritemi”.
Napoli kaloi një sezon të trazuar 2023-24, duke ndryshuar dy herë trajnerin. Contes i është dhënë përgjegjësia për të ringjallur Napolin dhe për ta rikthyer klubin në krye pas atij sezoni të mjerueshëm.
“Nuk kanë kaluar as tre muaj, presidenti De Laurentiis është i pari që ka folur për një rindërtim total. Osimhen dhe Zielinski u larguan ndërsa dëgjoj njerëz që flasin për gjëra të caktuara,” shtoi Conte.
“E di që ka pritshmëri të mëdha për mua sepse kam bërë gjëra të rëndësishme, le t’i lëmë tifozët të ëndërrojnë, por unë duhet të mbaj këmbët në tokë.”
