Rafa Nadal i është bashkuar ekipit të Spanjën në Malaga ku edhe do të përgatitet për turneun e fundit të karrierës, “Copa Davis”.
“Ndihem mirë, kam mjaft kohë që e mendoj. Jam përpjekur t’i jap vetes një shans është një vendim i marrë me kalimin e kohës. Po e shijoj javën, nuk i kushtoj shumë rëndësi faktit se do të jetë turneu im i fundit. Pas kësaj jave jeta ime do të ndryshojë plotësisht. Jam i lumtur që jam këtu”, tha Rafa Nadal.
Sa i përket stërvitjes, Nadal tha se: “Jam përpjekur të punoj sa më shumë që të jetë e mundur gjashtë javët e fundit. Po mundohem të jap gjithçka për këtë event. Kur nuk konkurron aq shpesh, është e vështirë të mbash vazhdimisht nivelin e lartë”.
