Philippe Coutinho po i afrohet gjithnjë e më shumë largimit nga Evropa.
Braziliani pritet të transferohet te Al-Duhail, pasi ka arritur marrëveshje me klubin në fjalë.
Megjithatë, Aston Villa nuk ka dhënë ende dritën jeshile për largimin e tij dhe transferimin te klubi nga Katari – por, kjo besohet se do të ndodhë në vazhdim.
Nga kjo lëvizje do të përfitojë edhe Barcelona. Sipas mediave spanjolle, kur Barcelona e shiti atë te Aston Villa, palët ranë dakord për një klauzolë prej 50%, që do të thotë se kjo lëvizje e fundit do t’u sjellë atyre një fitim të madh të papritur.
Për “Blaugranët”, që po përballen me probleme financiare, padyshim se çdo shumë e parave tashmë është e rëndësishme.
Mbetet të shihet nëse përfundimisht Coutinho do të transferohet te Al-Duhail, për ta kuptuar pastaj se cili do të jetë edhe çmimi i paguar për blerjen e tij.
