“Goli i sotëm ka një shije tjetër, do të doja shumë që babai im të ishtë gjallë. Sot do të festonte ditëlindjen”. Kristiano Ronaldo ka shënuar një nga dy golat e fitores për Al-Nassr në ndeshjen përballë Al-Rayyan në takimin e vlefshëm për Champions League aziatike.
Festa e 39-vjeçarit ka qenë ndryshe pasi ka ngritur duart lart nga qielli duke treguar se ia dedikonte dikujt që nuk jeton më. Pas ndeshjes Ronaldo tregoi se goli i shënuar kishte një shije të veçantë pasi e kishte shënuar ditën kur babai do të mbushte plot 71 vjeç.
Zhoze Dinis Aveiro ndërroi jetë në 2005 në moshën 52-vjeçare si pasojë e një sëmundje të rëndë në mëlçi.
