Cristian Shpendi ka shënuar përsëri për skuadrën e tij, Cesena në Serinë B, në barazimin 2-2 të arritur në shtëpi përballë Modenas. Sulmuesi kuqezi realizoi nga pika e bardhë e penalltisë për avantazhin e momentit, 2-1, ndërsa miqtë arritën të vendosin barazpeshën në pjesën e dytë.
Ky është goli i tretë për sulmuesin shqiptar në pesë javë kampionat në Serinë B. Shpendi e nisi sezonin me një dopietë, në javën e parë ndaj Carrarese. Gjithashtu, ka shënuar dhe dy gola në Kupën e Italisë(ndaj Padovas dhe Veronës).
