Crystal Palace raportohet se do të konkurrojë me Aston Villan në garën për transferimin e Marcus Rashford nga Manchester United në afatin kalimtar veror.
Sipas një raportimi nga The Sun, Rashford është subjekt i një interesimi nga Crystal Palace.
Klubi anglez është në kërkim të një sulmuesi andaj Rashford është bërë një prioritet për ta.
Gjërat nuk shkuan aspak mirë për Rashford tek Manchester United që prej ardhjes së Ruben Amorim, duke bërë që në shumicën e ndeshjeve të mos ftohet fare.
Kalimi i tij tek Aston Villa ishte një bekim për të, pasi ai dalëngadalë ka filluar ta rikthejë formën e tij të dikurshme.
Duke marrë parasysh këtë, raportimet nga Anglia bëjnë me dije se Aston Villa është favoriti kryesor për të siguruar shërbimet e tij në verë, por konkurrenca nga Palace është mjaft e fortë.
Nga Palace në verë pritet largimi i njërit prej Eberechi Eze ose Jean-Philippe Mateta, andaj ata po e kërkojnë Rashfordin si zëvendësues të tyre ideal.
