Sipas ‘La Gazzetta dello Sport‘ dhe ‘Sky Sport Italia‘, Juan Cuadrado do të largohet nga Juventusi në fund të kontratës së tij më 30 qershor.
Kolumbiani zbuloi të martën se ‘bardhezinjtë‘ i kishin ofruar vazhdim të kontratës, por mesa duket, ai ka vendosur të refuzojë propozimin e klubit, përcjellë lajmi.net.
Gazetat italiane pretendojnë se Fenerbache e Vincenzo Montella-s dhe skuadra e La Ligës Sevilla janë të interesuar të sigurojnë nënshkrimin e tij në një transferim të lirë.
35-vjeçari iu bashkua Juventusit në një marrëveshje fillestare huazimi nga Chelsea në 2015. Ai u kthye në Torino në verën e 2016 në një marrëveshje trevjeçare me vlerë 5 milionë euro. Juventusi e bëri lëvizjen e tij të përhershme në 2017 për 20 milionë euro.
Anësori i gjithanshëm kolumbian shënoi 26 gola në 314 paraqitje në Torino duke fituar pesë tituj të Serie A, katër Kupë të Italisë dhe dy Superkupa të Italisë./Lajmi.net/
