Trajneri i Ballkanit, Ilir Daja është i kënaqur me rezultatin e ndeshjes ndaj Fushë Kosovës.
Ai ka vlerësuar karakterin e lojtarëve të tij që me përmbysje fituan ndeshjen në shtëpi.
“Ishte një ndeshje të cilën e fituam duke kthyer rezultatin. Nuk na munguan rastet dhe vazhdojmë të ecim përpara.
Të premten u kthyem nga Tirana pas ndeshjes që e patëm në Ligën e Konferencës dhe sot arritëm fitore në kampionat. Kjo është pozitive, pasi vetëm me karakter mund të përmbysësh rezultat në një mot të tillë”, ka thënë Daja pas ndeshjes për “Art Motion”.
Ai është i kënaqur me pikët e fituara nga 14 ndeshje të zhvilluara. Ballkani është lider me 38 pikë nga 14 ndeshje, kurse Drita është në vendi ne dytë me 28 pikë me një ndeshje më shumë të zhvilluar.
“Kemi bërë maksimumin, sepse po të shohësh skuadrat tjera të grupit tonë të Ligës së Konferencës kanë ngelur prapa, kurse ne kemi diferencë të pikëve me ndeshje më pak”, ka theksuar Daja.
