Janë thënë shumë fjalë të mira për të, por sërish vazhdohet.
Mirlind Daku u konfirmua edhe një herë si një personalitet I vërtetë I Premier Ligës së Rusisë, pasi u shpall lojtari me më shumë kontribute për gol gjatë vitit që po mbyllet.
Mediat ruse njoftojnë se vetë agjencia e specializuar perëndimore, “Opta Sports” nxjerr statistikat se sulmuesi I kombëtares shqiptare ka gjatë 2024-ës 22 kontribute për gol.
Daku shënoi 15 gola në 12 muaj, dhe shërbeu 7 asistë.
Ylli kuqezi ka lënë pas sulmuesit dhe lojtarët ofensivë më të dalluar të Premier Ligës ruse si Glushenkov, Kordoba, Ugalde, Tjukavin apo Kasiera.
Edhe nëse llogarisim vetëm golat e shënuar, shqiptari është ndër më të mirët, pranë sulmuesve kryesorë Kordoba të Krasnodarit dhe Ugalde të Spartakut të Moskës.
Ndërkaq, mediat në Rusi theksojnë se Daku ka thyer rekordin e klubit të tij, Rubin.
Me 22 kontribute goli për ekipin nga Kazani, shqiptari la pas argjentinasin Alehandro Domingez që arriti në 21 gola+asiste.
Ky rekord rezistonte prej 15 vitesh. /abcnews.al
