Kombëtarja shqiptare e futbollit e ka siguruar edhe matematikisht pjesëmarrjen në Kampionatin Evropian, që mbahet në Gjermani vitin e ardhshëm.
Shqipëria barazoi 1:1 në udhëtim te Moldavia, pikë e cila mjaftoi të sigurojnë biletën për kualifikimin në “Euro 2024”, shkruan lajmi.net.
Mirlind Daku u inkuadrua në minutën e 62-të në këtë ndeshje.
Pas kualifikimit sulmuesi ka publikuar disa fotografi në faqen zyrtare të tij me një mbishkrim të veçantë.
“Mallkue qoft’ kush sna do bashk”, ka shkruar ai.
Shqipëria me barazim ndaj Moldavisë ka 14 pikë në pozitën e parë, dy më shumë se Çekia dhe tri më tepër se Polonia. Moldavia është e katërta me 10 pikë.
Tri ditë më vonë, Shqipëria e luan ndeshjen e fundit të kualifikimeve, atë kundër Ishujve Faroe, në stadiumin “Air Albania” në Tiranë./Lajmi.net/
