Ballkani sot mund të shkruajë sërish historinë, në rast të fitores ndaj Ludogerets.
Kampioni i Kosovës arriti javën e kaluar një fitore të madhe, duke mposhtur 2:0 bullgarët.
Kjo ndeshje i takon rrethit të parë kualifikues në Ligën e Kampionëve.
Në rast edhe të fitores sot në ndeshjen e kthimit Ballkani do shkruante histori.
E përpara këtij takimi historik suharekasit kanë marrë një mesazh motivues.
Bëhet fjalë për yllin kosovar Mirlind Daku.
Ish-lojtari i Ballkanit u ka uruar atyre suksese për ndeshjen e sotme.
“Shumë suksese ekipa, ju dhashtë Allahu fuqi e shumë shëndet qysh nga ndeshja sonte”, ishte komenti i Dakut në faqen e ekipit.
Ndeshja Ludogorets – Ballkani zhvillohet sonte në Bullgari, nga ora 20:00./Lajmi.net/
