Nga kombëtarja tek Rubin Kazan, pak ditë diferencë, mirëpo pamje krejt të ndryshme. Mirlind Daku i transformuar në kampionatin rus. Shtatlarti i sulmit ishte heroi i suksesit të radhës 3-0 të Rubin Kazan në shtëpi kundër Akron në javën e 15 të premier ligës ruse.
Daku shënoi dy nga tre golat e ekipit të tij, madje shumë shpejt që në gjysmën e pjesës së parë. Në minutën e 10 ai i mori kohën mbrojtësit mik dhe me një gjuajtje të bukur mposhti edhe portierin për të zhbllokuar shifrat para tifozëve të vet.
10 minuta më vonë 26vjecari shqiptar ishte dyfish protagonist. Ai gatoi vetëm një aksion nga e djathta duke i dhënë mundësi shokut të ekipit të shënojë, mirëpo atë që nuk e bëri dot Bezrukov i ndalur nga portieri mik Volkov, e bëri Mirlind Daku i cili i çoi shifrat në 2 me 0.
Sulmuesi i kombëtares s’ishte protagonist me perfomancën e tij edhe në pjesën e dytë madje, edhe në fund kur vendasit fituan një penallti. Jo vetëm kaq, por Daku edhe pse është goditësi kryesor i penalltive tek Rubin Kazan, ia lë këtë kënaqësi shokut të ekipit Zhoel i cili mbylli ndeshjen me shifrat 3 me 0.
Për Mirlind Dakun 8 gola dhe 3 asist në kampionat, i dyti pas sulmuesit Batrakov të Lokomotivës së Moskës. /vizionplus.tv
