Dukagjini sot kërkon përmbysjen në ndeshjen e kthimit në kualifikueset e Ligës së Konferencës ndaj Rijeka.
Skuadra nga Klina u mposht në shtëpi ndaj ekipit kroat, me rezultat 1:0.
Përpara këtij takimi trajneri i Dukagjinit, Armend Dallku u shpreh optimist për përmbysjen e mundshme nga ekipi i tij.
“U kam thënë edhe lojtarëve, nëse dikush s’ka besim mos të udhëtojë në Kroaci”, tha fillimisht ai për lajmi.net.
“Do të bëjmë më të mirën e mundshme, jemi mundu me forcat tona t’i kundërvihemi jam i kënaqur.
Do të bëjmë maksimumin në këtë ndeshje, duhet të bëjmë gjithçka për gjithçka”.
Kujtojmë që ndeshja Rijeka – Dukagjini zhvillohet sonte nga ora 20:15./Lajmi.net/
