Në prag të finales së madhe të Superkupës Spanjolle, një El Clásico mes Barcelonës dhe Real Madridit, Hansi Flick konfirmoi praninë e Dani Olmos në listën e lojtarëve, megjithëse pranoi se është e mundur që i zgjedhuri për rolin e titullarit në mesfushë të jetë Gavi:
“Po, Dani Olmo mund të luajë. Nuk është problem dhe ai është shumë i lumtur për këtë mundësi. Gavi bëri një ndeshje të shkëlqyer kundër Athletico-s, luajti shumë mirë. Ai kishte vetëbesim dhe i dha shumë skuadrës. Për ne, ai është shumë i rëndësishëm. Mendoj se do të jetë Gavi ai që do të luajë, por ende duhet të mendoj,” tha trajneri gjerman.
Këshilli i Lartë i Sporteve pranoi apelin e klubit ‘blaugrana’ dhe futbollisti ndërkombëtar spanjoll mund të rikthehet në dispozicion të katalanasve.
Flick foli gjithashtu për situatën e Ronald Araújo-s, i cili është lidhur me Juventusin:
“Ronald është rikuperuar nga një dëmtim i rëndë dhe tani është mjaftueshëm i fortë për të luajtur. Ai është një opsion i mirë dhe shumë profesionist. Për mua, nuk ka asgjë për të thënë, e dua në skuadrën time, sepse është një nga mbrojtësit më të mirë qendrorë.”
