Dani Olmo ka qenë “akullthyesi” i Barcelonës ndaj Majorkës. Goli i mesfushorit spanjoll me nisjen e pjesës së dytë ka rezultuar vendimtar në një fitore që e afron 90 minuta më shumë me titullin skuadrën e Flik.
Dani Olmo ka folur pas takimit, duke vlerësuar suksesin, por dhe paraqitjen e portierit të Majorkës, që falë tij në fund gjithçka ka mbetur e hapur.
“Kemi krijuar mundësi të panumërta për shënim. Por në fund ia kemi dalë dhe kjo është ajo që vlen më shumë. Portieri i tyre ka merita të padiskutueshme. Pa atë nuk di se si do të kishte përfunduar. Ne jemi të kënaqur sepse kjo fitore na afron më shumë me objektivin tonë, titullin kampion. Por na tregoi nga ana tjetër se nuk është asnjëherë e lehtë të fitosh”, tha Olmo.
PANORAMASPORT.AL
