“Dashuria” Napoli-Danilo është zhdukur papritur. Mbrojtësi brazilian është afër Flamengos. Kështu një transfertë që dukej një hap larg zyrtarizimit zbehet. Lojtari, tashmë jashtë skuadrës së Juventusit, ka ndryshuar mendje duke ndjekur dëshirat e familjes së tij dhe duket se dëshiron të kthehet në Brazil, për t’u bërë një lojtar i ri për kuqezinjtë e Rio de Zhaneiros, të cilët kanë mposhtur konkurrencën e një tjetër klubi brazilian, Santos.
Përfaqësuesit e lojtarit po punojnë me Juventusin për të shkëputur kontratën, por tashmë vendimi duket se është marrë. Tani Conte do të duhet të lëvizë në një drejtim tjetër. Për kalimin e Danilos te Flamengo, mbetet vetëm të përcaktohen detajet me klubin e Rios.
