Kombëtarja e Kosovës në futbollin e vajzave do të përballet sot me Austrinë në ndeshjen e kthimit të play-offit për kualifikimet në Kampionatin Botëror 2027.
Ndeshja zhvillohet nga ora 18:00 në stadiumin “Sportclub-Platz Dornbach” në Vjenë, ku Dardanet do të tentojnë ta përmbysin rezultatin e ndeshjes së parë, të cilën e humbën me rezultat 1-2.
Kosova do të kërkojë një paraqitje sa më të mirë në këtë përballje, me synimin për të vazhduar rrugëtimin drejt kualifikimit në Botërorin 2027. Për Dardanet, kjo është një sfidë e rëndësishme, pasi do të duhet të shënojnë për të rikthyer baraspeshën dhe për të mbajtur gjallë shpresat për kualifikim.
Takimi i sotëm zhvillohet në orën 18:00 në Vjenë.
Teilen:
