Megjithëse të freskët nga ajo që ndodhi në Bukuresht në fund të përballjes me Rumaninë, Kosova do ta zhvillojë sonte ndeshjet e fundit në Ligën e Kombeve dhe do të përballet me Lituaninë.
Kundërshtarët e sotëm të Kosovës janë të fundit në grupin 2 të Ligës C me zero pikë, andaj pritet një fitore e lehtë e të përzgjedhurve të trajneri Franco Fodas, raporton KosovaPress.
Ndeshja do të nis nga ora 20:45 dhe do të zhvillohet në stadiumin “Fadil Vokrri” që pritet të jetë i mbushur me tifozë.
Ndryshe, Kosova është në pritje të vendimit të UEFA-s për ndeshjen e ndërprerë kundër Rumanisë në minutat shtesë të saj.
