Pa një rol kryesor në Liverpool-in e Arne Slot , Darwin Nunez po largohet nga Reds dhe destinacioni i tij i ardhshëm mund të mos jetë shumë larg Anfield.
Sipas raportimeve nga Spanja, sulmuesi 25-vjeçar po pëlqehehet nga Arsenali, transmeton GazetaBlic Sport.
Topçinjtë mund të bëjnë një propozim për lojtarin me vlerë 70 milionë euro, megjithatë vlera do të jetë pengesë, duke qenë se Liverpooli do të kërkojë një buxhet total prej jo më pak se 100 milionë.
Largimi i sulmuesit u paralajmërua në fund të sezonit të kaluar, kur lojtari fshiu të gjitha fotografitë në lidhje me klubin anglez nga llogaria e tij në Instagram.
Tani, në pjesën e fundit të tregut të transferimeve, mundësia për t’u larguar nga Anfield është sërish në tavolinë, veçanërisht pas fillimit të sezonit në të cilin ai ka luajtur 18 minuta.
/GazetaBlic Sport/
