Lojtari i Trepçës, Kevin Davis është shpallur lojtari më i mirë i xhiros së dytë në Prince Caffe Superligës së Kosovës.
Trepça mposhti Sigal Prishtinës, në derbin e kësaj xhiroje.
Davis ndeshjen e mbylli me 19 pikë e nëntë kërcime.
Golden Eagle Ylli fitoi me 50 pikë kundër Istogut, ku te therandasit më i miri ishte Valon Bunjaku me 22 pikë, shtatë kërcime e tetë asistime.
Peja regjistroi fitoren e dytë radhazi, ku mundi Proton Cable Prizrenin në udhëtim, ndërsa te pejanët u dalluan John Chandler me 27 pikë, katër kërcime dhe një asistim e Lis Shoshi me 21 pikë, 12 kërcime dhe tri asistime.
Bashkimi po ashtu regjistroi fitoren e dytë radhazi, duke mposhtur Vëllaznimin, ndërsa Samir Zekiqi ndeshjen e mbylli me 25 pikë, pesë kërcime dhe dy asistime./Lajmi.net/
