Trajneri i Spanjës, Luis De la Fuente, i intervistuar nga Marca, preku tema të ndryshme duke përfshirë pa dyshim triumfin e fundit në Kampionatin Evropian të luajtur në Gjermani.
Jeni ndier ndonjëherë i lënduar nga dyshimet që u shfaqën për aftësitë e tua?
“Fatkeqësisht, m’u desh të mos dëgjoja, të shihja apo të lexoja çdo gjë që thuhej. Erdhi një moment kur i thashë vetes, para së gjithash për shëndetin mendor dhe pavarësinë, që nuk mund të isha i vetëdijshëm për këtë. Kam dëgjuar vetëm gjërat pozitive. Nëse marr një vendim që mendoj se është i duhuri, atëherë vazhdoj.
Kur e kuptove se vërtet mund ta fitonit Kampionatin Evropian?
Që në momentin e parë. Dhe kjo arriti te grupi. Nuk po flas për të fituar apo jo, është shumë e komplikuar. Unë them se ndihemi si kandidatë, se jemi të aftë si gjithë të tjerët.
Le ta shijojmë momentin. Nuk dua të them se është e pamundur, sepse kur shohim se janë thyer rekorde, janë larguar mallkimet… Por të fitosh është shumë e vështirë! Të jesh në gjendje ta bësh këtë tashmë është një arritje. Nëse e bën, është tejkalon gjithçka.
Kemi një djalë që sapo ka mbushur 17-vjeç, që ka fituar Kampionatin Evropian dhe që nuk po ndalen lëvdatat për të. Tani do të na duhet të mbrojmë edhe më shumë Lamine Yamal…
Po, është procesi që duhet të kalosh. Ai ka qenë i shoqëruar nga veteranët dhe kjo e ka ndihmuar shumë. Në çdo moment e kanë mbështetur dhe e kanë drejtuar. Ne i kemi thënë që të qetësohet, të ketë durim, që është shumë e gjatë rruga, sepse të njëjtët njerëz që të bëjnë lajka dhe nuk do të kenë turp të thonë të kundërtën më vonë, duhet rritet profesionalisht”.
