Kosova mbrëmjen e djeshme është mposhtur 3-0 nga Rumania.
Humbje kjo që erdhi në stadiumin “Fadil Vokrri” dhe që “dhemb” shumë.
Sigurisht që kjo disfatë ka zhgënjyer pamasë tifozët “Dardanë”. Këto të fundit kanë reaguar ashpër në rrjetet sociale.
Në postimin e tyre shkruajnë se gjithçka është e tepërt dhe se nuk e meritojnë të veshin fanellën “dardane”.
“Kjo sonte është e tepërt! Këta tifozë nuk e meeitojnë këtë zhgënjim. Nëse nuk e ndjeni këtë fanellë si na tifozët, nuk e meritoni ta veshni fsnellën dardane”, thuhet në postim.
Kujtojmë se sfidën e radhës Kosova do ta luajë ndaj Qipros më 9 shtator. Takim që do të zhvillohet në transfertë në Larnaca, ku tifozët “Dardanë” kërkojnë rezaultat pozitivë.
