Drejtuesi i Barcelonas, Deco, ka paralajmëruar Spanjën për dyshen e adoleshentëve Lamine Yamal dhe Pau Cubarsi.
Dyshja mund të përfshihet në Euro 2024 dhe Olimpiadën e Parisit këtë verë.
Por Deco tha për Cadena SER: “Ne nuk duam që ata të luajnë Kampionatin Europian dhe Lojërat Olimpike këtë verë.
“Federata e di idenë tonë. Nuk mund të luash kaq shumë ndeshje, e pamë se çfarë ndodhi me Pedrin. Sa për të ardhmen, tashmë po punojmë për rinovimin e të dyve”.
Ai shtoi: “Objektivi është të ruajmë ato që kemi. Skuadrat fitojnë sepse e mbajnë grupin për tre ose katër vjet. Qëllimi këtë verë nuk është të shesim lojtarë, por të blejmë.
“Joao Cancelo dhe Joao Félix? Asnjëri prej tyre nuk është i yni. Ata po na ndihmojnë shumë dhe ne duam që ata të qëndrojnë me ne”.
