Dëmtimi i mesfushorit spanjoll Rodri, ka lënë Mançester Sitin të “zbuluar” në mesfushë në një pozicion shumë delikat për “qytetarët”. Kësisoj, klubi ka nisur kërkimin dhe duket se ka gjetur lojtarin i cili sipas Guardiolës është zëvendësuesi perfekt i spanjollit në mesfushë.
“The Guardian” bën të ditur se Pep ka piketuar Samuele Riçin si emrin që i duhet shtuar mesfushës, pasi luan në të njëjtin rol dhe ka karakteristika të ngjashme me Rodrin. Mesfushori 23-vjeçar italian është pjesë e Torinos dhe përfaqësues së vendit të tij, teksa është kthyer shpejt në një nga personazhet më të spikatur në Serinë A.
Siti po bën gati një ofertë prej rreth 30 milionë eurosh për mesfushorin, që mendohet se do t’i bashkohet në janar. Ai nuk shihet vetëm si një zëvendësues afatshkurtër për Rodrin, por si një lojtar i cili në të ardhmen mund të bëhet pjesë e rëndësishme e formacionit të skuadrës angleze.
PANORAMASPORT.AL
