Gjithçka nuk mund të ishte aq e bukur në Madrid pas suksesit kundër Barcelonës. “Shenjtërimi” i Bellingamit në “El Clasico”, fitorja në shtëpinë e rivalit të përjetshëm në minutën e fundit, konsolidimi i kryesimit në La Liga, tregon se gjithçka po shkonte mirë, por dueli ndaj Barcelonës la një lajm të keq në lidhje me dëmtimin e Tçuamenit.
Klubi i bardhë njoftoi dëmtimin e francezit që do të duhet të qëndrojë për gati 8 javë jashtë fushave. Kjo humbje e detyron trajnerin Ançeloti të kërkojë zgjidhje në mesfushë, pasi francezi ishte lojtari i katërt më i përdorur në fushë nga italiani. Përveç kësaj, këtë sezon ai po rikthehej në nivelin e tij më të mirë (para Botërorit), kështu që zëvendësuesi do të jetë jo fort i lehtë.
Më shumë pritet të tregojë Ançeloti, por gjithçka tregon se lojtari që do të zëvendësojë Tçuamenin në qendër të mesfushës do të jetë Kamavinga. Një tjetër opsion është vendosja e Toni Krosit në bazën e mesfushës. Në atë pozicion gjermani luajti në disa raste sezonin e kaluar, i shoqëruar nga Modriç dhe Valverde. Opsione të tjera më pak të mundshme janë ato të Naços ose Alabasë.
PANORAMASPORT.AL
