Lajm i keq për Barcelonën dhe kombëtaren e Polonisë në prag të ndeshjeve të tetorit. Robert Levandoëski, sulmuesi i katalanasve u detyrua të linte lojën në minutën e 34-t pas një përplasjeje me Karmon, ku polaku mori një goditje të fortë në kyçin e këmbës, teksa e kishte të pamundur të vazhdonte lojën, duke u zëvendësuar nga autori i golit të vetëm, Ferran Torres.
Duhet theksuar se arbitri i ndeshjes nuk ka fishkëllyer as për një faull në atë rast, por Ksavi është detyruar ta zëvendësojë sulmuesin e tij pas asaj ndërhyrje.
Levandovski mbeti në stol dhe vendosi akull në zonën e tibisë së majtë, afër kyçit të këmbës. Në orët e ardhshme ai do t’u nënshtrohet analizave.
Për sa i përket Polonisë, kombëtarja e cila është në grup me Shqipërinë, do të luajë në datat 12 dhe 15 tetor ndaj Ishujve Faroe dhe Moldavisë.
PANORAMASPORT.AL
