Janë mbyllur dy ndeshjet e fundit të xhiros së 18-të në Superligën e Kosovës.
Derbi i kësaj jave ndërmjet Ballkanit dhe Prishtinës u mbyll pa fitues, shkruan lajmi.net.
Ndeshja e zhvilluar në Suharek përfundoi me rezultat të barabartë pa gola 0:0.
Kampioni i Kosovës dominoi ndeshjen dhe kishte rastet më të mira, por nuk i shfrytëzoi ato.
Në një moment futbollistët e të dyja skuadrave u përfshinë në një kacafytje, ku gjyqtari ndëshkoi me karton të verdhë Gentrit Halilin e vendasve dhe Muhamed Useinin e mysafirëve.
E për shkak të protestave, me karton të kuq u ndëshkua edhe trajneri Ilir Daja.
Ballkani mbetet në krye të Superligës me 39 pikë, derisa Prishtina mbetet në pozitën e pestë me 26 pikë.
Në ndeshjen tjetër Llapi ka triumfuar pa probleme përballë Lirisë.
Skuadra nga Podujeva morri pikët e plota pas një fitore 2:0.
Muhamet Hyseni në pjesën e parë dhe Hamdi Namani në të dytën ia dhuruan fitoren Llapit.
Me këto tre pikë Llapi ngritët në pozitën e dytë me 34 sosh, derisa Liria mbetet e fundit me vetëm nëntë pikë pas 18 xhirove. /Lajmi.net/
