Derbi i parë i këtij sezoni nuk prodhoi as gola e as fitues. Në shtator përballja mes Partizanit dhe Tiranës nuk prodhoi shumë në fushën e blertë dhe në atë kohë skuadrat dukej se ishin abonuar me barazimet.
Por tashmë situata ka ndryshuar. Partizani kryeson i vetëm renditjen e kampionatit, ndërsa Tirana nuk ndodhet në pozita shumë të mira në klasifikim.
Derbi nuk kanë nevojë për karikim dhe bardheblutë synojnë kthesën, tashmë të mbështetur edhe nga përkrahja e tifozëve. Në krahun tjetër Partizani synon që të thellojë diferencën me rivalët, duke kërkuar suksesin e radhës përballë Tiranës.
Por si janë statistikat e derbit të kryeqytetit? 175 ndeshje janë luajtur mes dy skuadrave në Kupë dhe kampionat. Partizani ka fituar 73 ndeshje, Tirana numëron 47 fitore, ndërsa 55 ndeshje të tjera janë mbyllur në barazim.
