Tirana në basketboll për femra ka mbajtur ritmin e fitoreve edhe në kampionat. Kjo pasi të martën kishte mundur Flamurtarin në Ligën Unike “Shqipëri-Kosovë”.
77-67 ishte fitorja e vajzave bardheblu ndaj Partizanit në derbin e kampionatit, që këtë të shtunë u zhvillua në sallën sportive “Farie Hoti” dhe që erdhi drejtpërdrejtë në rrjetin e Radio Televizionit Shqiptar. 20-17 perioda e parë për vajzat bardheblu. 22-19 e dyta dhe në pushim 42-36 për Tiranën. Partizani mundohet të reagojë, teksa fiton periodën e tretë 14-21 dhe kryeson 56-57. E fundit 21-10 dhe në total 77-67.
Në ndeshjet e tjera të femrave Studenti ka mundur Elbasanin, 84-55. Më pas Vllaznia, Barletin Basket, 110-49, kurse Flamurtari, Teutën 74-45. Kampionati kryesohet nga Flamurtari.
