Ndeshja mes Francës dhe Izraelit po përjetohet në një atmosferë të tensionuar jo vetëm për shkak të situatës gjeopolitike që rrethon këtë ndeshje pasi tifozët francezë kanë shprehur hapur qëndrimin kundër sulmeve në Gaza. Shkak është bërë situata me Kilian Mbape, i cili është lënë jashtë grumbullimit nga Didier Deshamp.
Edhe në konferencën për mediat para duelit të nesërm, gazetarët kanë pyetur përsëri teknikun rreth mendimit që kishte për situatën e sulmuesit, me trajnerin që nuk ngurroi të jepte një përgjigje të prerë.
“Të kam thënë atë që të kam thënë rreth kësaj teme, je i lirë ta interpretosh. Kilian nuk është këtu! Lere të qetë!”, ishte përgjigja e trajnerit, dukshëm i nervozuar që po pyetej përsëri për këtë situatë.
PANORAMASPORT.AL
