Momenti i formës së Levandovskit na këtë pjesë të parë të sezonit ka qenë vetët i shkëlqyer. Pas një sezoni 2023- 2024 ku la për të dëshiruar dhe shtoi dhe zërat për largimin e tij në verë, ky sezon me ardhjen dhe të Flik në timonin e skuadrës ka qenë një spektakël.
Polaku, ndonëse 36 vjeç është kthyer ai i ditëve më të mira te Bajerni i Mynihut. Me 19 gola në 17 takime të luajtura mes kampionatit spanjoll dhe Ligës së Kampioneve, polaku është një nga numrat 9 më të mirë në botë.
Ai ka lënë pas për momentin emra si Kejn apo Haland. Polaku ndihet mjaft mirë në ekip dhe në qytet dhe siç ka bërë me dije gazeta “Sport”, kjo është arsyeja që ai po mendon t’i kërkojë klubit rinovimin edhe për një vit të kontratës.
Kontrata aktuale e Levandovskit me Barcelonën zgjat deri në vitin 2026, por objektivi i vetë sulmuesit është të qëndrojë deri në 2027-ën. Nëse dëshira e tij do të plotësohej nga klubi, ai do të luante për Barcelonën deri në moshën 39-vjeçare.
PANORAMASPORT.AL
